Prestakuntza Duala

Lanbide-heziketa dualak enpresako eta ikastetxeko ikaskuntza-prozesuak konbinatzen ditu, prestakuntza-zentroen eta enpresen partaidetzaren bidez.

Ikasleek enpresan egiten duten prestakuntzak lotura estua izan behar du heziketa-zikloaren lanbide-profilarekin eta programatutako espezializazioekin. Horrela, produkzio-emaitza lortzeaz gain, enpresan egiten diren jarduera horiek aukera eman behar dute ikasteko eta, azken batean, lanerako gaitasunak, espezializazioa bera eta enplegagarritasuna hobetzeko baliagarriak diren zeharkako beste gaitasun batzuk eskuratzeko.

Ikaslearentzako onurak:

• Ikasleek ikasi egiten dute eta lan-esperientzia handia hartzen dute benetako lan-egoeretan.
• Egindako lanaldiarekiko ordainsari proportzionala jasotzen dute, kontratuaren edo hitzarmenaren arabera, eta Gizarte Segurantzan kotizatzen hasten dira lan-bizitzan.
• Enplegagarritasuna hobetzen du.

Enpresarentzako onurak

• Langile kualifikatuak prestatzea, enpresen ekoizpen-sarearen, prozesuen eta enpresa-kulturaren beharretara egokituta.
• Programaren bidez ikasleak ezagutzen laguntzea enpresari
• Enpresako belaunaldi-erreleboa errazten du